Лауазымның мақсаты (бағыты):
Білім беру ортасындағы психологиялық қолдауды жақсарту және қолайлы психоэмоционалдық ахуалды дамыту мақсатында консультативтік және терапевтік жұмыстар жүргізу, дағдарыстық психологиялық көмек көрсету, психологиялық денсаулық мәселелері бойынша білім беру іс-шараларын ұйымдастыру, сондай-ақ дағдарыстық жағдайдағы студенттерді анықтау, талдау және есепке алу бойынша клиникалық жұмысты жүргізуге бағытталған превентивтік шараларды ұйымдастыру, мүдделі тараптармен өзара іс-қимылды қамтамасыз ету арқылы Университеттің студенттері мен жұмыскерлерінің психоэмоционалдық әл-ауқатын қамтамасыз етеді.
Міндеттер (тапсырмалар, негізгі жауапкершілік салалары және функциялар):
1. Психологиялық көмек көрсету:
1) Студенттерге жеке кеңес беру жұмыстарын жүргізу, кеңес беру нәтижелерін тиісті бағдарламалық жасақтамаға/дерекқорға енгізу;
2) Студенттерге арналған топтық кеңестер/сессиялар өткізу;
3) Кезекшілік кестесіне сәйкес шұғыл кеңес беру және дағдарыс жағдайларында психологиялық көмек көрсету;
4) Кезекшілік пен триаж шеңберінде бастапқы бағалау консультацияларын өткізу;
5) Заманауи әдістер мен құралдарды, тиісті тесттерді қолдана отырып психодиагностика жүргізу және нәтижелерді тиісті бағдарламалық жасақтамаға/дерекқорға енгізу;
6) Өткізілген консультациялар бойынша есептілік жүргізу және өтініштер динамикасын талдау.
2. Білім беру және профилактикалық қызмет:
1) Студенттер мен жұмыскерлерге арналған психологиялық мәселелер бойынша ақпараттық материалдар (мақалалар, кітапшалар, жадынамалар) дайындауды қамтамасыз ету;
2) Студенттер мен жұмыскерлердің психологиялық денсаулығын жақсартуға бағытталған тренингтер мен семинарлар үшін бағдарламалар әзірлеу және оларды бекітілген кестелерге сәйкес өткізу;
3) Студенттердің психологиялық денсаулығы бойынша шеберлік сағаттары, семинарлар, тренингтер және мазасыздық деңгейін төмендету, күйзеліс төзімділігін арттыру, эмоционалды шаршауды болдырмау секілді профилактикалық бағдарламалар ұйымдастыру және өткізу;
4) Психология тақырыптары мен студенттердің психологиялық сауаттылығын арттыруға арналған кездесулер, пікірталас клубтары мен ақпараттық сессиялар өткізу;
5) Біліктілікті арттыру бағдарламалары аясында өткен оқу бағдарламаларының нәтижелері бойынша әріптес-психологтарға арналған білім беру іс-шараларын өткізу, сондай-ақ психологиялық кеңес беру саласындағы заманауи білімдермен, жаңа әдістемелермен және үздік тәжірибелермен алмасу.
3. Дағдарыстық психологиялық көмек көрсетуді ұйымдастыруға және көрсетуге қатысу:
1) Студенттер мен жұмыскерлерге дағдарыстық жағдайларда әрекет ету және алғашқы психологиялық көмекті көрсету әдістері бойынша тренингтерді әзірлеу, ұйымдастыру және өткізу. Дағдарыстық әрекет ету бойынша жаттығулар мен симуляциялық тренингтерді әзірлеу және өткізу;
2) Дағдарыстық жағдайларда әрекет ету алгоритмі мен психологиялық қауіпсіздік мәселелері бойынша студенттер мен жұмыскерлерге арналған жадынамалар мен әдістемелік ұсынымдарды әзірлеу;
3) Қажет болған жағдайда студенттер мен жұмыскерлерге дағдарыстық жағдайларда шұғыл психологиялық көмек көрсету;
4) Қиын өмірлік жағдайларды (жоғалту, жарақат, зорлық-зомбылық және т.б.) бастан кешірген студенттерге дағдарыстан кейінгі сүйемелдеу;
5) Белсенді бақылауды және олардың кейстерін талқылауды қажет ететін студенттердің мәселелері бойынша пәнаралық комиссияларға қатысу. Ықпал ету алгоритмдерін талдау және жақсарту үшін дағдарыстық жағдайлардың дерекқорын жүргізу. Өтініштер есептілігін жүргізу және динамикасын талдау. Күрделі жағдайдағы студенттер бойынша анамнез, кеңес беру саны, жүгіну себептері мен ұсынымдары жөнінде басшылыққа ақпарат беру;
6) Белсенді бақылауды қажет ететін студенттердің жағдайын бақылау және мониторингілеу мақсатында емханалық қызметтің және/немесе медициналық ассистанстың психиатрымен, қалалық психикалық денсаулық орталығымен өзара іс-қимыл жүргізу;
7) Дағдарыстық жағдайларда жұмысты үйлестіру үшін құрылымдық бөлімшелермен, әкімшілік және сыртқы құрылымдармен өзара әрекеттесу.
4. Кәсіби құзыреттілікті дамыту:
1) Семинарлар, конференциялар, оқыту бағдарламалары, тренингтер, интенсивтер мен шеберлік сабақтарына қатысу арқылы біліктілікті арттыру;
2) Әріптестермен кәсіби тәжірибе алмасу, сарапшылық кездесулерге, дөңгелек үстелдер мен пікірталас клубтарына қатысу. Кәсіби қауымдастықтар мен бірлестіктер жұмысына қатысу, Университеттің психологиялық қызметін дамытуға жәрдемдесу;
3) Кеңес беру және диагностикалық жұмыстың сапасын арттыру мақсатында кәсіби супервизиялар мен интервизиялардан өту;
4) Университет студенттері мен жұмыскерлерінің психоэмоционалдық жағдайын зерттеуге бағытталған психология саласындағы зерттеулерге қатысу;
5) Студенттер мен жұмыскерлердің білм беру ортасында психологиялық әл-ауқатын арттыру мақсатында жаңа психологиялық әдістемелер мен тәсілдерді әзірлеу, бейімдеу және енгізу;
6) Психологиялық кеңес беру және психодиагностикада заманауи цифрлық технологияларды меңгеру және қолдану (онлайн-кеңес беру, арнайы бағдарламалық жасақтаманы пайдалану, психологияда жасанды интеллектпен жұмыс істеу).
5. Әкімшілік және талдамалы жұмыс
1) Онлайн кестелерді, дерекқорларды және бағдарламалық жасақтаманы уақытында және дұрыс толтыру, деректерді dashboard-қа енгізу және Бөлімше басшылығы тарапынан өткізілген іс-шаралардың саны мен мәртебесін бақылау;
2) Статистикалық деректерді, есептерді және талдамалы анықтамаларды жасау, талдау және Университеттің құрылымдық бөлімшелеріне, сондай-ақ басшылыққа ұсыну;
3) Құжаттаманы, регламенттерді және әдістемелік материалдарды әзірлеу және жүргізу, психологиялық көмек қызметіне қатысты психологиялық көмек жөніндегі ішкі нормативтік құжаттарды әзірлеу;
4) Жетекшілік ететін бағыт бойынша бюджетті жоспарлау және бөлуге қатысу;
5) Құжаттаманы жүргізу және дерекқорлармен жұмыс істеу барысында құпиялылықты және жеке деректерді қорғау нормаларын сақтау;
6) Университеттің психологиялық қызметінің даму стратегияларын әзірлеуге қатысу, студенттер мен жұмыскерлердің психологиялық қолдау қажеттіліктерін талдау;
7) Көрсетілетін психологиялық көмек тиімділігін бақылау, тенденцияларды талдау және жұмысты жақсарту бойынша ұсыныстар әзірлеу.
6. Клиникалық жұмыс:
1) Жұмыс сапасын талдау және жақсарту үшін клиникалық жұмыс бойынша ай сайынғы есепті жасау және өткізілген консультациялардың статистикасын, өтініштердің түрлерін, шұғыл консультациялардың санын, сондай-ақ күрделі жағдайлардың сипаттамаларын көрсететін ай сайынғы есепті ұсыну;
2) Пәнаралық комиссияны өткізуге қатысу және қосымша қолдау мен қарқынды сүйемелдеуді қажет ететін дағдарысты студенттердің өзектілендірілген тізімін жүргізу;
3) Дағдарысқа душар болған студенттер үшін медициналық ұйымдармен және қалалық психикалық денсаулық орталығымен өзара әрекеттесу. Дағдарыс жағдайындағы студенттердің жағдайы туралы ақпаратты үнемі жаңартып отыру, араласу және кеңес беру нәтижелерін қадағалау;
4) Қажет болған жағдайда, психолог дағдарыс жағдайлары туралы ақпаратты одан әрі (ата-аналар, оқытушылар) араласу үшін басқа мамандарға береді.
Жұмыс тәжірибесіне қойылатын талаптар:
1) Құжаттармен (тіркеу туралы куәлік) расталған оқу орындарында, медициналық мекемелерде, жеке практикада психолог, психотерапевт лауазымында 5 жылдан кем емес жұмыс өтілі;
2) тиісті саладағы магистр дәрежесімен кемінде 3 жыл
Білімге, дағдыларға, құзыреттерге қойылатын талаптар:
Білімі:
1) Этикалық нормалар және заңнамалар: кәсіби этика, құпиялылық мәселелері, клиенттің құқықтары;
2) Психологияның теориялық негіздері: жас ерекшеліктері психологиясы, әлеуметтік психология, клиникалық психология, когнитивті психология, педагогикалық психология, дағдарыс психологиясы;
3) Психодиагностика әдістері: тесттер, проективті әдістемелер, сауалнамалар, сұхбаттар, бақылау;
4) Психотерапия және психокоррекция негіздері: тұлғалық дағдарыстармен, күйзеліспен, мазасыздықпен, эмоционалдық бұзылыстармен жұмыс істеу әдістері;
5) Конфликтология негіздері: конфликттерді шешу қағидаттары, медиативті технологиялар;
6) Психологиялық кеңес беру: клиенттермен жұмыс істеудің негізгі модельдері мен әдістері;
7) Қазақстан Республикасының Конституциясын, «Назарбаев Университеті», «Назарбаев Зияткерлік мектептері», «Назарбаев Қоры» мәртебесі туралы» Қазақстан Республикасының Заңын, сондай-ақ Қазақстан Республикасының денсаулық сақтау және медицина саласындағы заңнамалық және өзге де нормативтік құқықтық актілерін білу.
Құзыреттері:
1) Психодиагностика – тесттерді қолдану, алынған деректерді талдау, психологиялық қорытынды жасау;
2) Кеңес беру – жеке және топтық кеңес беру, ұсыныстарды қалыптастыру;
3) Психологиялық коррекция – даму бағдарламаларын, тренингтерді, коррекциялық сабақтарды әзірлеу;
4) Әртүрлі санаттағы клиенттермен жұмыс – жасөспірімдер, ересектер, дағдарыс жағдайындағы адамдар;
5) Конфликттерді шешу – келіссөздер жүргізу, медиативті әдістер;
6) Көпшілік алдында сөйлеу дағдылары – тренингтер, дәрістер, топтық жұмыстарды өткізу;
7) Құжаттама жүргізу – есептерді, қорытындыларды, жұмыс жоспарларын құру;
8) Командамен жұмыс – әріптестермен, дәрігерлермен, педагогтармен, әлеуметтік қызметтермен өзара әрекеттесу;
9) Эмоционалдық тұрақтылық – стресстік жағдайларда кәсібилікті сақтау қабілеті.
Құзыреттер:
1) Эмпатия және сенімді қатынастар орнату дағдысы.
2) Аналитикалық және сыни ойлау;
3) Өзін-өзі реттеу және күйзеліске төзімділік;
4) Жұмыс әдістемелерін таңдауда икемділік және бейімделгіштік;
5) Өзін-өзі дамыту және оқу қабілеті;
6) Жоғары этикалық жауапкершілік;
7) Клиенттерді ынталандыру және қолдау қабілеті
Тілдерді білуге қойылатын талаптар
Іскерлік хат алмасуды, кадрлық құжаттаманы, талдамалық материалдарды тиімді жүргізу, персоналмен, консультанттармен және серіктестермен өзара іс-қимыл жасау үшін қазақ, орыс және ағылшын тілдерін еркін меңгеру
Recruitment and selection process
Recruitment and selection at Nazarbayev University include the following process: preliminary selection based on experience and qualifications, assessments (e.g. technical skills/capabilities, aptitude, personality, work samples, in-basket exercises, and informal interviews), and motivation.
Formal interviews form the final stage of the selection process.
They are typically based on organizational values and behaviors and conducted in English.
You are encouraged to share your views and values to identify how they fit into Nazarbayev University core values