МІНДЕТТЕРІ:
Банктің серверлік және желілік инфрақұрылымын ұйымдастыру және басқару, деректерді сақтау мен қорғауды қамтамасыз ету, ақпараттық жүйелерді сүйемелдеу және сервистік қолдау қызметінің жұмысын үйлестіру. Бөлімшенің міндеттері мен ресурстарын операциялық жоспарлау, Банктің ақпараттық жүйелері мен ІТ-ресурстарының тұрақты әрі сапалы жұмыс істеуін қамтамасыз ету үшін технологиялық міндеттерді шешуді ұйымдастыру. ІТ-қызмет көрсету шарттарының орындалуын бақылау, жеткізушілермен өз құзыреті шеңберінде өзара іс-қимыл жасау, тендерлік құжаттаманы дайындауға және келісуге қатысу. ITIL және COBIT әдіснамаларына сәйкес ІТ-процестерді басқару жүйесін әзірлеу және енгізу, пайдалану процестерін талдау (as is – to be), регламенттер, нұсқаулықтар мен рәсімдерді әзірлеу. Қызметтер каталогтарын, SLA, ресурстық жоспарларды және қызметтер құнын негіздеу модельдерін әзірлеу, шарттар бойынша есептілікті дайындау (актілер, сервистік парақтар, процестік есептер). Басқарманың даму жоспарларын және Банктің ІТ-бағытының стратегиялық даму жоспарларын әзірлеу және олардың іске асырылуын бақылау. ІТ-қызметтердің сапасын басқару, қызметкерлердің негізгі тиімділік көрсеткіштерін бақылау, команданы қалыптастыру, кәсіби құзыреттерді дамыту және тиімді жұмыс ортасын қалыптастыру. «Бәйтерек» ҰӘҚ» АҚ, мемлекеттік органдармен және өзге ұйымдармен Банктің ақпараттық жүйелері мен ІТ-ресурстарын сүйемелдеу мәселелері бойынша өзара іс-қимыл жасау.ТАЛАПТАР:
Ақпараттық технологиялар саласында немесе лауазымның функционалдық бағыттарына сәйкес келетін өзге салаларда жоғары білім. Ақпараттық технологиялар саласында немесе лауазымның функционалына сәйкес келетін өзге салаларда кемінде 4 жыл кәсіби жұмыс тәжірибесі. Ұйым бейініне сәйкес келетін қызмет саласында кемінде 2 жыл жұмыс тәжірибесі. Құрылымдық бөлімше басшысы немесе оның орынбасары лауазымында кемінде 2 жыл басқарушылық тәжірибе.БІЛІМІ:
Ақпараттық технологиялар, серверлік және телекоммуникациялық жабдықтар саласындағы білім. Серверлік виртуализация және операциялық жүйелерді әкімшілендіру саласындағы білім. Ақпараттық жүйелер мен ақпараттық-коммуникациялық инфрақұрылымды жоспарлау және құру қағидаттарын білу. Ақпараттық технологиялар саласындағы тәуекелдерді басқару және ақпараттық қауіпсіздікті қамтамасыз ету саласындағы білім. ІТ, сервистік қолдау, жобаларды басқару және ақпараттық қауіпсіздік саласындағы нормативтік құжаттарды, халықаралық және мемлекеттік стандарттарды білу.