Негізгі мақсат

• Қоғамдық қызмет бойынша менеджердің (әрі қарай - IECHP менеджері) қолдауымен және басшылығымен денсаулықты нығайту және ақпараттандыру, білім беру және коммуникация (HPCE/IECHP) стратегиясы мен жұмыс жоспарын әзірлеу.
• Қауымдастықтың қатысуын қамтамасыз ету, сондай-ақ қауымдастықтарда немесе денсаулық сақтау мекемелеріндегі қоғамдық қызмет тобының (әрі қарай - HP тобы) жұмысын жобаның мақсатына, MSF құндылықтарына, стандарттары мен рәсімдеріне сәйкес үйлестіру және бақылау.

Міндеттері

• IECHP стратегиясы мен жұмыс жоспарын әзірлеуге немесе бейімдеуге белсенді қатысу.
• IECHP стратегиясы мен жұмыс жоспарының іске асырылуын белгіленген уақыт кестесіне сәйкес ұйымдастыру және қадағалау.
• IECHP стратегиясын іске асыру алдында және жүзеге асыру барысында бенефициарлармен және қауымдастықтармен тұрақты консультациялар жүргізу және олардың атсалысуына негізделген тәсілдерді қолдау.
• MSF-тің медициналық және медициналық емес қызметкерлері үшін денсаулық туралы ақпараттық сессиялар ұйымдастыру.
• Денсаулық туралы білім беру материалдарын және қатысуға негізделген әдістерді әзірлеуге қолдау көрсету, соның ішінде алдын ала тестілеу, мазмұнын бекіту және аудару үдерістерін қамтамасыз ету.
• Жедел бағалаулар мен сауалнамалар жүргізуге қатысу.
• Қауымдастықтың пікірлері мен қауесеттерін жүйелі түрде жинау, кодтау және есепке алу.
• Қауымдастыққа негізделген эпидемиологиялық бақылауды іске асыруға қолдау көрсету (деректер жинау, белсенді жағдайларды анықтау, бақылау және емдеуге бағыттау).
• IECHP менеджерімен бірлесіп қауымдастық жиналыстарын жоспарлау және ұйымдастыру.
• Қауымдастықтарды картаға түсіру жұмыстарына қатысу.
• Мониторинг
• Деректер жинау құралдарының бар екеніне көз жеткізу, деректерді базаға енгізу және деректер сапасын тексеру.
• Мониторинг деректерін талдауға қатысу және IECHP менеджерімен бірлесіп қажетті түзетулер енгізу.
• Ай сайынғы есептер дайындау.

Команданы басқару

• HP тобының жұмысын бағалауға қатысу (IECHP менеджерімен бірге).
• HP тобының кәсіби даму жоспарын әзірлеуге қатысу.

Оқыту және қолдау

• HP тобы үшін оқыту қажеттіліктерін бағалауға, оқыту бағдарламаларын әзірлеуге және іске асыруға қатысу (IECHP менеджерімен бірлесіп).
• HP қызметінің тұрақты бақылауын ұйымдастыру және жұмыс барысында тәлімгерлік (coaching) қолдау көрсету.
• HP тобының қызметін жоспарлау және практикалық ұйымдастыруды қамтамасыз ету (жұмыс кестесі).
• HP тобының тұрақты кездесулерін ұйымдастыру.

Қауымдастықпен жұмыс

• Қауымдастықтарда ақпараттық сессиялар өткізу, көшпелі іс-шаралар ұйымдастыру және цифрлық коммуникация арналары арқылы MSF қызметтері туралы хабардарлықты арттыру.
• Бенефициарларды көпсалалы қабылдауға ертіп бару және оларды жолдамалар жүйесінде бағыттау, соның ішінде медициналық қабылдауларға бару, дәріханадан дәрі алу және басқа қызметтерге қол жеткізуге көмектесу (емханаға тіркелу, сақтандыру рәсімдеу және т.б.).
• Қауымдастықтарды карталау жұмыстарын жүргізу және жергілікті қауымдастық құрылымдарымен, көшбасшыларымен және белсенді мүшелерімен байланыс орнату.
• Қауымдастық деңгейінде тұрақты іс-шаралар өткізу (жиналыстар, кездесулер және басқа шаралар).
• Жоба басымдықтарына сәйкес қауымдастыққа нақты тақырыптар бойынша ақпарат беру.
• Әлеуметтік мәселелерді шешуге көмектесетін әлеуметтік серіктестермен, соның ішінде басқа ҮЕҰ-мен және мемлекеттік денсаулық сақтау ұйымдарымен байланыс орнату және қолдау.
• Ақпараттандыру, білім беру және коммуникация іс-шараларына қажетті материалдарды әзірлеуге қатысу.
• MSF бенефициарлары арасында сапалық бағалау жүргізу арқылы қауымдастық қажеттіліктерін және жалпы қанағаттану деңгейін анықтау.
• Іс-шаралардың әсерін бағалау (сұрақтар, тексерулер және мінез-құлықты бақылау арқылы) және туындаған мәселелер, жетістіктер мен шектеулер туралы IECHPменеджеріне есеп беру.
• Жобаға қатысты кездесулерге белсенді қатысу.
• Іске асырылған қызмет туралы ай сайынғы есептер дайындау.

MSF контекстіндегі міндеттер

• Бенефициарларға көпсалалы емдеу үдерісінің әртүрлі кезеңдерінде қолдау көрсету және оларды сүйемелдеу.
• Бенефициарлар үшін ұйымдастырылатын көпсалалы емдеу үдерісіне қатысу.
• Ақпараттандыру, рухани саулық туралы білім беру және коммуникация бойынша іс-шараларға қажетті материалдарды әзірлеуге қатысу.
• Қажет болған жағдайда MSF-тің басқа қызметтеріне қолдау көрсету және құпиялылық, бейтараптық және әділдік қағидаларын сақтау.

• Әлеуметтік ғылымдар, әлеуметтік коммуникация, мейірбике ісі немесе осыған ұқсас салада білімі болғаны жөн.

• Оқыту, мейірбике ісі, әлеуметтік жұмыс немесе қауымдастықтарды жұмылдыру саласында тәжірибесі болғаны жөн.
• Қазақ тілін еркін меңгерген. Ағылшын және орыс тілдерін білгені абзал.
• Компьютерді еркін қолдана алатын.

• Толық мөлшерлеме негізінде Алматы қаласынан бір маман іздестірудеміз.
• Жұмыс күндері: Дүйсенбі-Жұма.
• Жұмыс уақыты: 8:00-17:00, 12:00 түскі ас үзілісі
• Кеңсе: Алматы қаласы, Зверев көшесі 6A мекенжайында орналасқан.
• Алматы облысы бойынша (Бәйдібек би, Ұзынағаш ауылдары) іс-сапарларға дайын болу.

Осы лауазымға осы сайт арқылы өтінім қалдыруға болады. Сондай-ақ, төмендегі электронды поштаға да түйіндемеңіз бен ниет хатыңызды жолдауға болады. Өтінімдерді 2026 жылғы 18 наурызға дейін (18 наурызды қоса алғанда) қабылдаймыз.​​​​​​​