Міндеттер:
Жобаны бизнес-ұсыныс, индикативтік талдау және банктік сараптама кезеңдерінде кредиттік талдау/мәмілені құрылымдау жұмыстарын орындау; жобаларды кредиттік талдау әдістемесіне және Банктің инвестициялық жобаларды және экспорттық операцияларды қарау, қаржыландыру, мониторингтеу және іске асыру рәсімдерінің регламентіне сәйкес тәуелсіз талдау жүргізу және Банктің уәкілетті органдарына қаржыландыру (немесе бас тарту) бойынша ұсынымдар беру. Қарыз алушының, кепілгерлердің/контрагенттердің қызметіне кешенді және ағымдағы қаржылық мониторинг жүргізу (Банктің уәкілетті органдары/Банк басшылығы/мүдделі құрылымдық бөлімшелері үшін). Контрагент бұрын ұсынған қаржылық есептілікке салыстырып тексеру жұмыстарын жүргізу (Банктің уәкілетті органдары/Банк басшылығы/мүдделі құрылымдық бөлімшелері үшін). Контрагенттің сұрауын талдау, ұсынылған құжаттарды қарау, кредиттік талдау жүргізу және құзыреті шеңберінде тиісті қорытынды дайындау. Кредиттік құралдар бойынша құнсызданудың объективті белгілерін айқындау. SPPI тестінен өтпеген кредиттік портфель мен дебиторлық берешектің әділ құны бойынша болжамдық бағалау дайындау (Банк басшылығы мен мүдделі құрылымдық бөлімшелер үшін). Банктің ішкі актілері мен департамент қызметіне қатысты өзге де құжаттарды әзірлеу жөніндегі жұмыс топтарына қатысу; кредиттік жұмыстың формалары мен әдістерін жетілдіруге, жаңа кредиттік құралдар/инвестициялық кредиттеу бағдарламаларын дамытуға, ішкі процестерді оңтайландыруға бағытталған ұсыныстар әзірлеу және енгізу («Қазақстан Даму Банкі туралы» Заңның 2-бабы 5-тармақшасына сәйкес кредиттік процесті жетілдіру мақсатында).Талаптар:
MS Office бағдарламаларымен (Excel, Word, PowerPoint, Outlook) жұмыс істей білу. Ақпаратты жинау, жүйелеу және талдау, қаржылық модельдеу, сараптама жүргізу, тәуекелдерді бағалау және мәмілелерді құрылымдау дағдылары. Аналитикалық материалдар мен презентациялар дайындау қабілеті. Тілдерді білу: қазақ, ағылшын. Жоғары экономикалық/қаржылық білім. ACCA, CIMA, CPA, CMA, CFA сертификаттарының, MBA дипломының болуы құпталады. Жұмыс тәжірибесі – кемінде 3 жыл. Бухгалтерлік есептің, салық салудың, ХҚЕС-тің, қаржылық-шаруашылық қызметті талдаудың және жобалық талдаудың негіздерін білу. Қазақстан Республикасының банк және қаржы қызметі, азаматтық заңнама саласындағы нормативтік құқықтық актілерін және Банктің ішкі актілерін білу.