Міндеттер (мақсаттар, негізгі жауапкершілік салалары және функциялар)

1. Департамент қызметін қаржылық-аналитикалық сүйемелдеу:

1) Студенттік өмірді дамыту бағдарламаларын іске асыру аясында, соның ішінде оқу үдерісінен тыс қызмет бойынша, Бөлімшенің қысқа және орта мерзімді бюджеттік жоспарларын қалыптастыруға қатысады.

2) Бөлімшенің бюджеттік өтінімі мен инвестициялық жоспарын дайындау үдерісін, соның ішінде студенттердің оқу үдерісінен тыс белсенділігі бойынша жобаларға қатысты, үйлестіреді.

3) Бюджеттің, сатып алулар жоспары мен инвестициялық жоспардың орындалуына тұрақты мониторинг жүргізеді, есептілікті дайындайды, ауытқуларды анықтайды және түзету шаралары бойынша ұсыныстар әзірлейді.

4) Ресурстарды тиімді пайдалануды арттыруға бағытталған аналитикалық материалдар мен ұсыныстар әзірлейді, соның ішінде басқа жоғары оқу орындарының тәжірибесіне және халықаралық практикаға сүйене отырып.

5) Бөлімше басшылығына және қызметкерлеріне бюджеттік жоспарлау, бюджетті қалыптастыру, сатып алулар және іс жүргізу мәселелері бойынша консультациялық қолдау көрсетеді.

2. Қаржылық-экономикалық операциялық сүйемелдеу:

1) Бөлімшенің бюджеті бойынша деректерді корпоративтік бюджеттеу жүйесіне енгізеді, оларды келісу және бекіту кезеңдерін сүйемелдейді.

2) Бөлімшенің сатып алулар жоспарын (тауарлар, жұмыстар, қызметтер) қалыптастырады және сүйемелдейді.

3) Басшылықтың сұранысы бойынша қажетті есептілікті, жиынтық кестелерді, статистикалық мәліметтерді және презентацияларды дайындайды.

4) Университеттің регламенттеріне сәйкес, нақты бағдарламалар, жобалар және бағыттар бойынша, Бөлімшенің бюджеттік қаражаттарының жұмсалуын бақылайды және бюджет пен сатып алулар жоспарының орындалуы бойынша есеп жүргізеді.

3. Әкімшілік қамтамасыз ету және құжат айналымы:

1) Бөлімшенің іс жүргізуін қамтамасыз етеді (оның ішінде бекітілген номенклатураға сәйкес істерді қалыптастыру және тіркеу, сақтау және Университет архивіне тапсыру).

2) Бөлімшенің әкімшілік қызметін қолдау шеңберінде басшылық үшін баяндамалар, есептер, қызметтік жазбалар және басқа да құжаттардың жобаларын дайындайды.

3) Бөлімшенің кіріс және шығыс хат-хабарларын жіберуді/қабылдауды және олардың жедел жеткізілуін ұйымдастырады және бақылайды.

4) Бөлімше қызметкерлерінің жұмыс уақыты есебінің табелін жүргізеді, деректердің уақтылы және дұрыс енгізілуін бақылайды, Университеттің кадр және бухгалтерия қызметтерімен өзара әрекеттеседі.

5) Тікелей басшының тапсырмасы және қолданыстағы регламенттер шеңберінде Бөлімшедегі кадрлық өзгерістерге байланысты құжаттарды дайындауға қатысады.

6) Жаңа қызметкерлерді бейімдеу процесін сүйемелдейді (оның ішінде ақпараттық жүйелерге қолжетімділік ұйымдастыру, құжат айналымын жүргізу, бастапқы нұсқамадан өтуін ұйымдастыру).

7) Кадр мәселелері бойынша анықтамалық және аналитикалық ақпаратты дайындайды (Бөлімше құрылымы, жүктеме, кадр айналымы, демалыс кестелері және т.б.).

4. Өзара әрекеттесу және коммуникациялар:

1) Құжаттар мен есептілікті ұсыну, келісу және бақылау мерзімдері бойынша Университеттің құрылымдық бөлімшелерімен өзара іс-қимылды үйлестіреді, сондай-ақ кадр және қаржы әкімшілігі мәселелері бойынша Университет қызметтерімен өз құзыреті шеңберінде әрекеттеседі.

2) Функционалдық міндеттер шеңберінде іскерлік хат алмасуды жүргізеді, соның ішінде қаржылық-экономикалық, сатып алу, әкімшілік, кадр және ақпараттық сұраулар бойынша.

3) Student Emergency Fund бағдарламасы аясында студенттердің өтінімдерін қарастыруға жәрдем көрсетеді, оларды қарау және қаржыландыру мәселелері бойынша тиісті бөлімшелермен өзара әрекет етеді.

5. Жобалық және сараптамалық қызмет:

1) Жергілікті және шетелдік жоғары оқу орындарында, халықаралық қауымдастықтарда жүзеге асырылатын студенттік өмірді қолдау саласындағы озық тәжірибелер туралы ақпаратты жинауға және талдауға жәрдем көрсетеді.

2) Бөлімше қызметін әкімшілік ету тиімділігі мен ашықтығын арттыруға бағытталған тиімді шешімдерді енгізу бойынша ұсыныстар дайындайды.

3) Процестерді цифрландыру (бюджеттеу, сатып алу, құжат айналымы) және ішкі рәсімдерді оңтайландыру бойынша жобаларды іске асыруға қатысады.

Білімге қойылатын талаптар (деңгей, профиль, лицензиялар, кәсіби сертификаттар және т.б.):

Менеджмент, қаржы, адам ресурстарын басқару, бизнес-әкімшілік ету салаларында жоғары кәсіби білім.

Жұмыс тәжірибесіне қойылатын талаптар:

1) Тиісті салада кемінде 3 жыл жұмыс өтілі.

2) Сол саладағы магистр дәрежесі болған жағдайда кемінде 1 жыл жұмыс өтілі.

Білімдерге, дағдыларға, құзыреттерге қойылатын талаптар:

Білімдері:

1) Қазақстан Республикасының білім беру, мәдениет және жастар саясаты салаларындағы заңнамасын білу;

2) Солтүстік Америка мен Ұлыбритания университеттерінің білім беру жүйесін және әкімшілік тәжірибесін, соның ішінде қаржыны басқару және студенттік бастамаларды қолдау тәсілдерін білу;

3) MS Office (Word, Excel, PowerPoint), 1С бағдарламаларын білу;

4) Бюджеттеу, қаржылық менеджмент және бухгалтерлік есеп салаларындағы білімдер;

5) Жобалық басқару қағидаттарын, оның ішінде ресурстарды, қаржыны жоспарлау және жобалар бойынша есептілік жүргізу мәселелерін білу;

6) Қазақстан Республикасының Конституциясын, Қазақстан Республикасының «Назарбаев Университет», «Назарбаев Зияткерлік мектептері», «Назарбаев Қорының» мәртебесі туралы Заңын, сондай-ақ Қазақстан Республикасының жоғары білім беру саласындағы басқа да заңнамалық және нормативтік құқықтық актілерін білу.

Дағдылары:

1) Бюджеттерді қалыптастыру және басқару дағдылары, соның ішінде оларды әзірлеу, негіздеу, орындалуын бақылау және өзгеріп отыратын басымдықтарға сәйкес түзету жүргізу;

2) Қаржылық-экономикалық талдау әдістерін меңгеру, оның ішінде көрсеткіштерді есептеу, ауытқуларды талдау, ресурстарды пайдаланудың тиімділігін бағалау;

3) Әкімшілік үдерістерді ұйымдастыру, құжат айналымы мен іс жүргізуді жүргізу дағдылары (соның ішінде электрондық форматта, архивтеу);

4) Басшылыққа, комитеттерге немесе сыртқы аудиторларға арналған талдамалық және қаржылық есептерді, түсіндірме жазбаларды, презентациялық материалдарды дайындау дағдылары;

5) Шарттарды, тендерлік құжаттаманы, жеткізілімдерді және өзге де әкімшілік аспектілерді келісу және сүйемелдеу дағдылары.

Құзыреттері:

1) Бюджеттерді әзірлеу, негіздеу және үйлестіру, соның ішінде олардың орындалуын бақылау және шығыстарды оңтайландыру қабілеті;

2) Шығындар, кірістер, бюджеттік ауытқулар бойынша тұрақты талдау жүргізу және осы негізде қаржылық тәртіпті жақсартуға бағытталған негізделген ұсыныстар беру қабілеті;

3) Қаржылық-экономикалық және әкімшілік басқаруға байланысты бизнес-үдерістерді жобалау, талдау және жетілдіру қабілеті;

4) Өз құзыреті шеңберінде дербес шешімдер қабылдау және олардың орындалуы мен салдары үшін жауапкершілік алу қабілеті;

5) Шектеулі ресурстар жағдайында (бюджеттік, уақыттық, адами) оларды тиімді бөлу, мерзімдер мен басымдықтарды сақтау қабілеті;

6) Белгісіздік, қысқа мерзімдер және жоғары жүктеме жағдайында тиімді жұмыс істеу қабілеті;

7) Қаржы, сатып алулар және құжат айналымы мәселелері бойынша Университеттің басқа құрылымдық бөлімшелерімен тиімді өзара іс-қимыл орнату шеберлігі.

Тілдерді білуге қойылатын талаптар

Іскерлік хат алмасуды, құжаттаманы, талдамалық материалдарды тиімді жүргізу, студенттермен және басқа құрылымдық бөлімшелермен, консультанттармен және серіктестермен өзара іс-қимыл жасау үшін қазақ, орыс және ағылшын тілдерін еркін меңгеру

Recruitment and selection process
Recruitment and selection at Nazarbayev University include the following process: preliminary selection based on experience and qualifications, assessments (e.g. technical skills/capabilities, aptitude, personality, work samples, in-basket exercises, and informal interviews), and motivation.

Formal interviews form the final stage of the selection process.
They are typically based on organizational values and behaviors and conducted in English.
You are encouraged to share your views and values  to identify how they fit into  Nazarbayev University core values