Жетекші консультант Университеттегі психологиялық кеңес беру қызметінің сапалы әрі тиімді әкімшілік жұмысын қамтамасыз етеді. Бұл қызмет студенттер мен қызметкерлердің психоэмоционалдық әл-ауқатын арттыруға бағытталған кеңес беру және терапиялық жұмыстарды жүргізуді, дағдарыс жағдайларында психологиялық көмек көрсетуді, психикалық денсаулық пен алдын алу шаралары бойынша білім беру іс-шараларын ұйымдастыруды, сондай-ақ білім беру ортасындағы психологиялық қолдау мен психоэмоционалдық ахуалды жақсартуға бағытталған жұмыстарды қамтиды.

Жетекші консультант келесі міндеттер мен функцияларды орындайды:

1.Психологиялық қызметтің жұмысын ұйымдастыру:

1.1. Психологтар жұмысының үйлестірілуі, міндеттерді бөлу, оның ішінде дағдарыстық кеңес беру және студенттерге дағдарыстан кейінгі сүйемелдеу бойынша міндеттерді бөлу.

1.2. Онлайн кестелердің, дерекқорлардың және бағдарламалық қамтамасыз етудің дер кезінде және дұрыс толтырылуын күнделікті бақылау және мониторинг жүргізу. Бұл деректерді Dashboard жүйесінде көрсету және Департамент басшылығы тарапынан өткізілген іс-шаралардың саны мен мәртебесін бақылау үшін қажет.

1.3. Психологиялық қызметтің жұмысына байланысты ішкі нормативтік құжаттарды әзірлеу, құжат айналымы, регламенттер мен әдістемелік материалдарды жүргізуге көмек көрсету. Әдістемелік материалдарды, регламенттер мен қызмет стандарттарын уақтылы жаңартып, өзектендіруді қамтамасыз ету.

1.4. Психологиялық кеңес беру қызметінің бюджетін жоспарлау және бөлу. Бюджеттік қаражаттың игерілуіне бақылау және мониторинг жүргізу, Бөлімшенің қызметіне байланысты қаржылық операциялар бойынша есептілік дайындау.

1.5. Психологиялық кеңес беру қызметінің айлық және жылдық іс-шараларын жоспарлау, кестелер құрастыру, бақылау және мониторинг жүргізу, өткізілген іс-шараларды талдау және есептік ақпарат дайындау.

1.6. Құжат айналымында және дерекқорлармен жұмыс барысында құпиялылық нормалары мен жеке деректерді қорғау талаптарының сақталуын бақылау.

2. Кеңес беру арқылы психологиялық көмек көрсету:

2.1. Студенттерге жеке кеңес беру жұмыстарын жүргізу, кеңес беру нәтижелерін тиісті бағдарламалық қамтамасыз етуге/дерекқорға енгізу.

2.2. Студенттерге арналған топтық кеңестер/сессиялар өткізу.

2.3. Кезекшілік кестесіне сәйкес шұғыл кеңес беру және дағдарыс жағдайларында психологиялық көмек көрсету.

2.4. Кезекшілік пен триаж шеңберінде өткізілетін бастапқы бағалау консультацияларын бақылау және талдау.

2.5. Заманауи әдістер мен құралдарды, сондай-ақ тиісті тесттерді қолдана отырып психодиагностика жүргізу және нәтижелерді тиісті бағдарламалық қамтамасыз етуге/деректер базасына енгізу.

2.6. Өткізілген консультациялар бойынша есептілік жүргізу және өтініштер динамикасын талдау.

3. Білім беру және профилактикалық қызмет:

3.1. Студенттер мен қызметкерлерге арналған психологиялық мәселелер бойынша ақпараттық материалдар (мақалалар, кітапшалар, жадынамалар) дайындауды қамтамасыз ету.

3.2. Студенттер мен қызметкерлердің психологиялық денсаулығын жақсартуға бағытталған тренингтер мен семинарлар бағдарламаларын әзірлеу және бекітілген кестелерге сәйкес өткізу.

3.3. Студенттердің психологиялық денсаулығы бойынша шеберлік сағаттары, семинарлар, тренингтер және мазасыздық деңгейін төмендету, күйзеліс төзімділігін арттыру, эмоционалдық күйіп-жануды болдырмау секілді профилактикалық бағдарламалар ұйымдастыру және өткізу.

3.4. Психология тақырыптары мен психологиялық сауаттылықты арттыруға арналған кездесулер, пікірталас клубтары мен ақпараттық сессиялар өткізу.

3.5. Біліктілікті арттыру бағдарламалары аясында өткен оқу курстарының нәтижелері бойынша әріптес-психологтарға арналған білім беру іс-шараларын өткізу, сондай-ақ психологиялық кеңес беру саласындағы заманауи білімдермен, жаңа әдістемелермен және үздік тәжірибелермен алмасу.

4. Студенттерге дағдарыстық психологиялық көмек көрсетуді ұйымдастыруға және көрсетуге қатысу:

4.1. Студенттер мен қызметкерлерге дағдарыстық жағдайларда әрекет ету және алғашқы психологиялық көмекті көрсету әдістері бойынша тренингтерді әзірлеу, ұйымдастыру және өткізу. Дағдарыстық әрекет ету бойынша жаттығулар мен симуляциялық тренингтерді әзірлеу және өткізу.

4.2. Дағдарыстық жағдайларда әрекет ету алгоритмі мен психологиялық қауіпсіздік мәселелері бойынша студенттер мен қызметкерлерге арналған жадынамалар мен әдістемелік ұсынымдарды әзірлеу.

4.3. Қажет болған жағдайда студенттер мен қызметкерлерге дағдарыстық жағдайларда шұғыл психологиялық көмек көрсету.

4.4. Қиын өмірлік жағдайларды (жоғалту, жарақат, зорлық-зомбылық және т.б.) бастан кешірген студенттерге постдағдарыстық сүйемелдеу жүргізілуіне бақылау жасау.

4.5. Белсенді бақылауды қажет ететін студенттердің мәселелері бойынша пәнаралық комиссиялар өткізу. Дағдарыстық жағдайлардың дерекқорын жүргізу, жауап беру алгоритмдерін жетілдіру мақсатында талдау жасау. Есептілік жүргізу, жүгінулер динамикасын талдау. Күрделі жағдайдағы студенттер бойынша анамнез, кеңес беру саны, жүгіну себептері мен ұсынымдары жөнінде басшылыққа ақпарат беру.

4.6. Белсенді бақылауды қажет ететін студенттердің жағдайын бақылау және мониторинг жүргізу мақсатында емханалық қызметтің психиатрымен және/немесе медициналық ассистанс, қалалық психикалық денсаулық орталығымен өзара іс-қимыл жүргізу.

4.7. Дағдарыстық жағдайларда жұмысты үйлестіру үшін құрылымдық бөлімшелермен, әкімшілік және сыртқы құрылымдармен өзара әрекеттесу.

5. Кәсіби құзыреттілікті дамыту:

5.1. Біліктілікті арттыру – семинарлар, конференциялар, оқыту бағдарламалары, тренингтер, интенсивтер мен шеберлік сабақтарына тұрақты қатысу.

5.2. Кәсіби тәжірибе алмасу – әріптестермен тәжірибе бөлісу, сарапшылық кездесулерге, дөңгелек үстелдер мен пікірталас клубтарына қатысу. Кәсіби қауымдастықтар мен бірлестіктер жұмысына қатысу, Университеттің психологиялық қызметін дамытуға жәрдемдесу.

5.3. Кеңес беру және диагностикалық жұмыстың сапасын арттыру мақсатында кәсіби супервизиялар мен интервизиялардан өту процесін ұйымдастыру.

5.4. Университет студенттері мен қызметкерлерінің психоэмоционалдық жағдайын зерттеуге бағытталған психология саласындағы ғылыми-зерттеу жұмыстарына қатысу.

5.5. Студенттер мен қызметкерлердің психологиялық әл-ауқатын арттыру мақсатында жаңа психологиялық әдістемелер мен тәсілдерді әзірлеу, бейімдеу және енгізу.

5.6. Психологиялық кеңес беру және психодиагностикада заманауи цифрлық технологияларды меңгеру және қолдану (онлайн-кеңес беру, арнайы бағдарламалық қамтамасыз етуді пайдалану, психологияда жасанды интеллектпен жұмыс істеу).

6.  Психология саласы бойынша ақпараттық-ағартушылық жұмыс:

6.1. Сайт пен әлеуметтік желілердің жүргізілуіне бақылау жасау.

6.2. Ақпараттық таралымдарды тексеру.

6.3. Құрылымдық бөлімшенің әлеуметтік желілердегі қатысу стратегиясын әзірлеу, Университеттің ішкі ережелеріне сәйкес ресми аккаунттарды жүргізу.

6.4. Құрылымдық бөлімшенің қызметі, өткізілетін іс-шаралар, психикалық денсаулық туралы пайдалы материалдар жөнінде өзекті ақпаратты жариялау барысына бақылау жасау.

6.5. Кері байланысты мониторингтеу, пайдаланушылардың сұраныстарына жедел әрекет ету, этикалық нормалар мен Университет беделін сақтау мақсатында пікірлерді модерациялау.

6.6. Психологиялық денсаулық мәселелері бойынша ақпараттық материалдар, буклеттер мен жадынамалар дайындау мен оларды студенттер мен қызметкерлер арасында тарату жұмысына бақылау жасау.

6.7. Психикалық бұзылыстардың алдын алуға, стигманы азайтуға және Университет қауымдастығының хабардарлығын арттыруға бағытталған ақпараттық-ағартушылық материалдарды әзірлеу және тарату.

7.  Аналитикалық жұмыс және есептілік:

7.1. Университеттің психологиялық қызметін дамыту стратегияларын әзірлеу, студенттер мен қызметкерлердің психологиялық қолдауға деген қажеттіліктерін талдау. Психологиялық көмек көрсету барысында кездесетін өзекті мәселелер мен үрдістерді анықтап, оларды шешуге бағытталған шараларды әзірлеу.

7.2. Жүгінулерді мониторингтеу, кеңес берудің тиімділігі мен динамикасын талдау. Университет басшылығына және құрылымдық бөлімшелерге арналған қорытынды статистикалық деректерді, есептерді және талдамалық анықтамаларды дайындау және ұсыну.

7.3. Көрсетілетін психологиялық көмектің тиімділігін бақылау, үрдістерді талдау және қызметті жақсартуға арналған ұсыныстар әзірлеу, басшылыққа ұсынымдар енгізу. Заманауи технологияларды (онлайн-кеңес беру, цифрлық құралдар) енгізу.

7.4. Дағдарыстық жағдайларды кешенді шешу мақсатында Университеттің әкімшілік құрылымдарымен, медициналық мекемелермен және қалалық психикалық денсаулық қызметтерімен өзара іс-қимыл жасау.

7.5. Қызмет жұмысына байланысты есептілік жүргізу және Университет басшылығына талдамалық ақпарат беру.

7.6. Лауазымдық міндеттер аясында Университет басшылығының басқа да тапсырмаларын уақтылы және сапалы орындау.

Білімге қойылатын талаптар (деңгей, профиль, лицензиялар, кәсіби сертификаттар және т. б.):

Жоғары кәсіптік, ағылшын тілінде оқытатын жоғары оқу орындарындағы жоғары кәсіптік білімінің болғаны дұрыс.

Психология, медицина, денсаулық сақтау және/немесе басқа сабақтас мамандықтар саласындағы жоғары білім.

Алыс шетелдерде алынған ғылым кандидаты/ докторы ғылыми дәрежесі немесе магистр, PhD дәрежесі, магистр дәрежесіне  басымдық беріледі.

Мамандықтардың басым  бағыттары:

- Денсаулық сақтау;

- Психология және психотерапия;

- Ғылым;

- Басқару саласы (құпталады)

Жұмыс тәжірибесіне қойылатын талаптар:

• Психолог, психотерапевт ретінде білім беру ұйымдарында, медициналық мекемелерде немесе жеке практикада (тіркеу куәлігімен расталған) кемінде 7 жыл жұмыс тәжірибесі болуы қажет.
• Салаға сәйкес магистр дәрежесімен кемінде 5 жыл жұмыс тәжірибесі болуы тиіс.

Білімге, дағдыларға, құзыреттерге қойылатын талаптар:

Білімдері:

• Қазақстан Республикасының психикалық ауытқулары бар адамдарға медико-әлеуметтік көмек көрсету саласындағы нормативтік-құқықтық құжаттарын білу;
• Қазақстан Республикасы психологтарының Этикалық кодексін білу;
• Университеттің психологиялық қолдау саласындағы ішкі нормативтік құжаттарын білу;
• Психикалық денсаулық саласындағы ақпараттық бағдарламаларды және MS Office, Excel, PowerPoint бағдарламаларын білу;
• Этикалық нормалар мен заңнамалар: кәсіби этика, құпиялылық мәселелері, клиенттің құқықтары;
• Психологияның теориялық негіздері;
• Психодиагностика әдістері: тесттер, проективті әдістемелер, сауалнамалар, интервью, бақылау;
• Психотерапия және психокоррекция негіздері: тұлғалық дағдарыстармен, күйзеліс, мазасыздық және эмоционалдық бұзылыстармен жұмыс әдістері;
• Конфликтология негіздері: қақтығыстарды шешу принциптері, медиациялық технологиялар;
• Психологиялық кеңес беру: клиенттермен жұмыс істеудің негізгі үлгілері мен техникасы.

Дағдылары:

• Психикалық денсаулық саласындағы ақпараттық жүйелермен жұмыс істеу дағдылары;
• Психиатриялық кеңес беру саласындағы деректерді талдау және есеп беру дағдылары;
• Психологиялық кеңес беру қызметінің жұмыс үдерістерін ұйымдастыру және әкімшілендіру дағдылары;
• Психодиагностика – тесттерді қолдану, алынған деректерді талдау, психологиялық қорытынды жасау;
• Кеңес беру – жеке және топтық консультациялар жүргізу, ұсыныстар қалыптастыру;
• Психологиялық коррекция – дамыту бағдарламаларын, тренингтерді, түзету сабақтарын әзірлеу;
• Түрлі санаттағы клиенттермен жұмыс – жасөспірімдер, ересектер, дағдарыс жағдайындағы адамдар;
• Қақтығыстарды шешу – келіссөздер жүргізу, медиация техникасын қолдану;
• Қоғам алдында сөз сөйлеу дағдылары – тренингтер, дәрістер, топтық жұмыс жүргізу;
• Құжат жүргізу – есептер, қорытындылар, жұмыс жоспарларын рәсімдеу;
• Командалық жұмыс – әріптестермен, дәрігерлермен, педагогтармен, әлеуметтік қызметтермен өзара әрекеттесу;
• Эмоционалдық тұрақтылық – күйзеліс жағдайында кәсіби қарым-қатынасты сақтау қабілеті;
• Мемлекеттік органдармен және тексеруші құрылымдармен өзара әрекеттесу дағдылары;
• Психикалық бұзылыстары бар адамдарға медико-әлеуметтік көмек көрсету мәселелері бойынша қызметкерлерге кеңес беру және оқыту дағдылары.

Басқа талаптар:

• Ұйымдастырушылық қабілеттер – психологтар командасының жұмысын үйлестіре білу және әкімшілік үдерістерді тиімді құру;
• Құжаттаманың дұрыстығын және мерзімдерінің сақталуын қамтамасыз ету;
• Коммуникативтік дағдылар – басшылықпен, қызметкерлермен және сыртқы органдармен тиімді байланыс орнату;
• Клиентке бағытталу – білім алушылар мен қызметкерлер үшін ыңғайлы және ашық психологиялық қолдау қызметтерін құру;
• Жауапкершілік – еңбек заңнамасының және ішкі регламенттердің сақталуын қамтамасыз ету;
• Икемділік пен күйзеліс жағдайында жұмыс істеу қабілеті – жоғары жүктеме мен өзгерістер жағдайында тиімді әрекет ету.

Тілдерді білуге қойылатын талаптар

Ішкі және сыртқы серіктестермен тиімді байланыс орнату, кәсіби іскерлік хат алмасу жүргізу және талдамалық материалдарды дайындау үшін қазақ, орыс және ағылшын тілдерін еркін меңгерген.

Recruitment and selection process
Recruitment and selection at Nazarbayev University include the following process: preliminary selection based on experience and qualifications, assessments (e.g. technical skills/capabilities, aptitude, personality, work samples, in-basket exercises, and informal interviews), and motivation.

Formal interviews form the final stage of the selection process.
They are typically based on organizational values and behaviors and conducted in English.
You are encouraged to share your views and values  to identify how they fit into  Nazarbayev University core values