Назарбаев Университеті Инженерия және цифрлық ғылымдар мектебінің Механикалық және аэроғарыштық инженерия кафедрасы Механикалық инженерия (Техникалық қызмет көрсету инженериясы) бағыты бойынша ашық дәрежелі профессорлық лауазымға (ассистент профессор, қауымдастырылған профессор немесе профессор деңгейлеріне) ерекше үміткерлерді іріктеуге шақырады. Біздің түлектерімізге өнеркәсіп тарапынан жоғары сұраныс, бұл механикалық және аэроғарыштық инженерия бағдарламаларына қабылданған студенттер санының айтарлықтай өсуіне алып келді. Кафедра үздіксіз дамып келеді және өнеркәсіппен тығыз серіктестік орнатқан.

Идеалды үміткер механикалық техникалық қызмет көрсету инженериясы саласында, атап айтқанда MRO (Maintenance, Repair and Overhaul), жүйелердің сенімділігі (System Reliability) және болжамды техникалық қызмет көрсетуге арналған автоматтандырылған бұзбайтын бақылау (Automated Non-Destructive Testing, NDT) бағыттарында оқыту және зерттеу жұмыстарын жүргізеді.

Табысты үміткердің міндеттері:

• Мемлекеттік және өнеркәсіптік қаржыландыру арқылы қолдау көрсетілетін техникалық қызмет көрсету мен активтерді басқару жүйелері саласында жоғары деңгейлі ғылыми зерттеулер жүргізу.
• Техникалық қызмет көрсету инженериясы саласында өндірістік серіктестермен тиімді ынтымақтастық орнату және нығайту.
• Техникалық қызмет көрсету инженериясы бойынша бакалавриат және магистратура, докторантура деңгейлерінде сабақ беру.
• Жас зерттеушілерге, магистранттарға және докторанттарға ғылыми жетекшілік жасау.
• Университет ішінде және халықаралық деңгейде пәнаралық зерттеу бастамаларын дамыту.

• Белгілі жоғары оқу орнынан алынған Механикалық инженерия немесе соған жақын сала бойынша PhD дәрежесі.

• PhD дәрежесін алғаннан кейін кемінде бес (5) жылдық академиялық тәжірибе.

• Зерттеу саласында үздік және тұрақты нәтижелерге қол жеткізгенін дәлелдейтін тәжірибе — халықаралық деңгейде мойындалған жоғары рейтингті (Q1) журналдардағы жарияланымдар және зерттеу гранттарын тарту арқылы расталуы тиіс.

• Магистранттар мен докторанттарға ғылыми жетекшілік ету, сондай-ақ сыртқы қаржыландыру есебінен зерттеу жобаларын басқару тәжірибесі.

• Оқыту әдістемесінде инновациялық тәсілдерді қолдану және оқу бағдарламаларын әзірлеу тәжірибесі.

• Кәсіби ұйымдарға мүшелік (мысалы, IMechE, ASME, FHEA, SFHEA) құпталады.

• Тамаша коммуникациялық дағдылар және ағылшын тілінде еркін сөйлеу қабілеті міндетті.

Біз ұсынатын артықшылықтар:

• Бәсекеге қабілетті еңбекақы және семестр сайын екі пәндік оқу жүктемесі;
• Ғылыми зерттеулерге арналған жеткілікті уақыт;
• Зерттеу бастамаларына арналған бастапқы гранттар және өзге де қаржыландыру түрлері;
• Қызметкер мен оның отбасы мүшелеріне арналған халықаралық медициналық сақтандыру;
• Шетелдік қызметкерлерге арналған әлеуметтік пакеттер: тегін тұрғын үй, жылына екі рет отанына сапар шегу мүмкіндігі, сондай-ақ көшу шығындары мен әуе билеттерін өтеу;
• Жыл сайынғы 56 күн ақылы демалыс.

Бастапқы келісімшарт 3 жылға жасалады және жыл сайынғы қызмет нәтижелерін бағалау негізінде оны әрі қарай 3 немесе 5 жылға ұзарту мүмкіндігі бар.

Лауазым бойынша бейресми кеңес алу үшін Механикалық және аэроғарыштық инженерия кафедрасының меңгерушісі, профессор Эссам Шехабқа хабарласуға болады: [email protected] 

Механикалық және аэроғарыштық инженерия кафедрасы туралы толық ақпарат мына сілтемеде қолжетімді:
https://research.nu.edu.kz/en/organisations/department-of-mechanical-and-aerospace-engineering/

Өтінімдерді қабылдау мерзімі: ашық (вакансия толтырылғанға дейін).
Өтінімдерді қарау 2025 жылғы 25 қарашадан бастап басталады.

Өтінім беру үшін онлайн өтінім нысанын толтыру және оған мотивациялық хат, түйіндеме (CV) және үш ұсыныс берушінің байланыс деректері қоса берілуі тиіс. Толық емес өтінімдер қаралмайды.