Функционалдық міндеттер
Экономикалық қауіпсіздік бағыты бойынша сараптамалар жүргізу: контрагенттерді талдау, олардың іскерлік беделін және қаржылық тұрақтылығын бағалау, аффилиирленген тұлғаларды айқындау және бенефициарларды анықтау; кредиттік процесс кезеңдерінің барлығында Банк бөлімшелеріне қорытындылар дайындау. Контрагенттердің қылмыстық жолмен алынған кірістерді заңдастыруға немесе терроризмді қаржыландыруға қатысы бар-жоғын тексеру және мүдделі бөлімшелерге ақпарат беру. Бұрмалаушылық фактілері бойынша қызметтік тексерулер мен тергеп-тексерулер жүргізу, жауапты тұлғаларды және оқиғаның себептерін анықтау, залалды бағалау, бұзушылықтарға ықпал еткен жағдайларды жою бойынша басшылыққа ұсынымдар дайындау. Азаматтық қорғау және өрт қауіпсіздігі жөніндегі іс-шараларды жоспарлау және ұйымдастыру; қызметкерлердің заңнама талаптарын сақтауын және өртке қарсы техникалық құралдардың жұмысын бақылау. Қазақстан Республикасының мемлекеттік органдарымен азаматтық қорғау мәселелері бойынша өзара іс-қимыл жасау; төтенше жағдайлар кезіндегі іс-қимылдарға арналған теориялық және практикалық жаттығуларға қатысу. Қауіпсіздік қызметінің қызметін реттейтін ішкі актілер мен әдістемелік құжаттарды әзірлеу, сондай-ақ Банктің ішкі нормативтік актілерін әзірлеуге қатысу. Мемлекеттік органдардың, акционердің, клиенттердің, қарыз алушылардың және өзге ұйымдардың сұрауларына Қауіпсіздік қызметінің құзыретіне кіретін мәселелер бойынша жауаптар мен қорытындылар дайындау. Жалғыз акционердің, Директорлар кеңесінің, Басқарманың, Басқарма Төрағасының шешімдеріне және Банктің ішкі актілеріне сәйкес өзге де функцияларды орындау.Талаптар
Жоғары заңгерлік немесе экономикалық білім. Экономикалық қауіпсіздік, қаржы/банк секторында немесе құқық қорғау органдарында кемінде 3 жыл жұмыс тәжірибесі. ҚР заңнамасын, экономикалық қауіпсіздік негіздерін, контрагенттерді талдау әдістерін, ақпараттық жүйелерді және ішкі нормативтік құжаттарды білу. Ақпаратты талдау, іскерлік хат алмасу, аналитикалық материалдар дайындау дағдылары; MS Office және электрондық құжат айналымы жүйелерін жақсы меңгерген. Банктік және корпоративтік қауіпсіздік бойынша кәсіби сертификаттардың болуы құпталады. Жеке құзыреттер: нәтижеге бағдарлану, іске адалдық, инновациялық көзқарас, үнемділік.