Біз туралы: Nova School Aqtau

Біз — Ақтаудағы нақты ұстанымы бар жеке мектеппіз: білім беру заманауи, адами және мағыналы болуы тиіс. Біз тұлға еркіндігі мен жоғары академиялық талап бір-біріне қайшы келмейтін, керісінше, дамудың негізіне айналатын білім беру экожүйесін құрып жатырмыз. Бізге мектеп мәдениеті мен құндылықтарының сәулетшісі рөлін өз мойнына алатын көшбасшы қажет. Бұл — тәрбие дегеніміз іс-шаралар жиынтығы емес, бала педагогикалық әсер етудің нысаны емес, өз өмірінің авторына айналатын орта құру екенін түсінетін маманға арналған лауазым.

Сіздің миссияңыз:

Дәстүрлі «тәрбие жұмысын» демократиялық білім беру және ынтымақтастық педагогикасы принциптеріне негізделген тірі жүйеге айналдыру. Сіз біздің мектептің мағынасы мен этикалық кодексінің қорғаушысы боласыз.

Біз келесідей кәсіби маманды іздейміз:

• Авторлық тәжірибесі бар: Сіз өз курстарыңызды жасағансыз, білім беру кеңістігін өзгерткенсіз немесе стандартты бағдарламалардан тыс жобаларды жүргізгенсіз.

• Әдіснаманы меңгерген: Сіз тәртіп пен қорқыныштың, еркіндік пен бейберекетсіздіктің (хаос) айырмашылығын түсінесіз. Гуманистік тұжырымдамаларды жұмыс құралдары мен процестеріне аудара білесіз.

• Тәлімгер (наставник): Мұғалімдермен фасилитатор және ментор ретінде жұмыс істей алады, оларға авторитарлық стильді серіктестік стильге ауыстыруға көмектеседі.

• Диалог жүргізе алатын: Жасөспірімдермен күрделі тақырыптарда, ал ата-аналармен сенім мен бала дамуы туралы сөйлесуге қажетті эмпатия мен табандылыққа ие.

Іс жүзінде не істеу керек:

1. Ортаны жобалау: Оқушылар қоғамдастық өмірі үшін жауапкершілікті өз мойнына алатын шынайы мектеп өзін-өзі басқару жүйесін құру.

2. Мәдениетті модерациялау: Балаларға өз құндылықтары мен іс-әрекеттерін сезінуге көмектесетін этикалық диалогтар мен рефлексия форматтарын енгізу.

3. Команданы дамыту: Педагогтарды эмоционалдық жанудың (выгорание) және директивті әдістердің алдын ала отырып, қолдау мен бірлесіп жұмыс істеу өнеріне үйрету.

4. Қоғамдастықты басқару: Ата-аналарды мектептің пікірлесіне айналдыра отырып, олармен серіктестік қарым-қатынас орнату.

Біз не ұсынамыз:

• Жүйені бюрократиялық қысымсыз, «нөлден бастап» құру мүмкіндігі.

• Кәсіби автономия: Мектеп ішіндегі атмосфераға, қарым-қатынас пен этикаға қатысты шешімдер қабылдаудағы толық өкілеттік.

• Мағыналы команда: Өздеріне күрделі сұрақтар қоятын және шынайы жауаптардан қорықпайтын адамдармен жұмыс.

• Лайықты шарттар: Міндеттердің ауқымы мен сіздің сараптамаңызға сәйкес келетін еңбекақы деңгейі.

• Көшіп келуге және қалаға бейімделуге (адаптация) көмек көрсету.

Егер сізге мектепті еркіндік пен саналылық кеңістігі ретінде көру идеясы жақын болса, бізге жазыңыз. Классикалық түйіндеменің (резюме) орнына біз сізден қысқаша хат күтеміз: тірі орта құрудағы тәжірибеңіз туралы немесе бүгінгі таңда мектепте таңдау еркіндігі мен жауапкершілікті қалай теңгерімдеуге (балансқа келтіруге) болатыны туралы ойыңызбен бөлісіңіз.